老師

在小學教學生做功課，原來都好有挑戰性。 有時有好多無奈的問題，真是「殺你一個措手不及」 事沿…. 一位小妹妹問我：Left係解左定係右呀？ 我當然答：左 [之後，佢自己睇英文書上嘅一個幅地圖...] 我問佢：你有咩唔明呀？ 小妹妹話：老師呀，究竟點分左右呀？ [我心想：SHOCKED!小六都要問呢個問題!?] 我就答：你窄筆隻手咪係右手囉。你平時係唔係用右手窄筆呀？ 小妹妹答：我左右手都可以寫字喎。[=.=] 我食飯用筷子同寫字都係可以用唔同手！ [正在我O咀之際，我想借一個"正常"嘅學生作借鏡時...] 小弟弟對我說：我都係呀，我都係左右手都寫到字… [竟然全班5個人嘅答法都係一樣!!!] 我唯有一臉無奈，我眼見佢哋誠懇、天真、無邪、單純、innocent的樣子，我搵唔到佢哋呃我同玩我嘅理由。 我臉色沉咗一沉 ，深呼吸… 我諗到一個屈機嘅方法： 我話，你讀英文字係唔係由左讀到右呀？你望到個yes字， 梗係由左面個y讀係啦？ [小妹妹 諗咗一諗] 小妹妹：唔係喎！我哋老師都係由右寫到左喎啲英文字 小弟弟和議：係呀！ 當時，我唯有落力繼續sell我呢個分左右嘅idea，之後剛剛落堂，放過咗我… 我返到家諗一諗，得到兩個結論： 1. 佢哋一路當我係白痴玩緊我。 2. 佢哋真係唔識分左右！！因為我相信，一個正常英文老師，無可能由右至左去串字，寫喺白板。 大家意下如何= =?