決戰青山之巔

今日同兆揚行山。我揀咗我想好咗好耐好耐嘅…青山之巔! 點解咁想去呢？ 因為每次我經過屯門大會堂，都見到青山之巔，即係有兩枝嘅山頭。 我覺得點都要去一下。有啲似，不上長城非好漢的感覺。 即係點？ 你試試問吓當地人，點解要上長城先係好漢囉。 (上梁山就話好漢啫!) 經過天雨延期後，今日3點終成行。 頭200米，我地都可以一口氣爬上去。 到了300米左右….我發覺我開始喘氣。 抖了15分鐘，感覺好多了!! 行了3分鐘，我開始頭暈…又想嘔。 抬頭望，青山之巔只在我頭上百多米!! (青山之巔有500多米) 何況我有過了一個check point (行山人士稱 「綠屋」的地方，過了綠屋，山路明顯地斜，甚難行） 無理由唔行埋佢!? 所以，我收起淆底回頭的思緒，繼續頂上去! …. .. . 3分鐘後，我又開始 喘氣、頭暈、作嘔… 頭暈得要倚在石旁。 兆揚問：你係唔係M come 呀? 我答：係M come 都好，有得解釋… 無耐，有一架直升機向我地方向飛過來。莫非知我想「搭」直升機落返去？ 其實我都叫定兆揚，想call飛行服務隊，吊我去急症室。快又唔洗等。 再等一下，我又舒服返啲，就一枝箭咁衝上去，睇吓有無飛行醫生，幫一幫我啦？ 點知，1分鐘左右，直升機走了….. 經過，中吓中吓咁行上去，途中，可能兆揚也不知道，有幾步我差啲差錯腳跌落山下，到了我夢想的「青山之巔」!! 嘩！正！ 由左至右，可能由新屯門市中心、友愛、屯門市中心、兆康、良景、山景、元朗，最遠至堔圳。 望後，有龍鼓灘發電廠。 無敵！ 經過，半個鐘嘅休息，明顯，我嘅period症狀減退。 所以，好開心咁，影咗好多有GPS相，係google map會見到我嘅足跡！ http://www.panoramio.com/photo/4350031 之後，兩枝光棍到了M記食6點鐘的tea就走了…. 決戰完青山之巔，我發覺行山真係好正。希望我個病唔會limit我繼續行山。行山過程，好似人生嘅縮影，每到一個Check point都要接受挑戰、淆底、條氣唔啹、再試、搞掂佢! 咁嘅過程。 雖然係好老套嘅體會，但係大家感受吓，可能比我有更大的體會。 青山之巔的相： Picasa 相簿 P.S. 鳴謝兆揚帶路及援助